من ساعات، فيديو قلب السوشيال ميديا لتاجر في منطقة “الصاغة” بمحافظة الغربية، طالع بيقول إنه اتثبت واتسرق منه دهب واتضرب، والموضوع كبر لما ادعى إن القانون مش هياخد مجراه عشان “أخو اللي ضربوه ضابط في القوات المسلحة”.
لكن الحقيقة طلعت في حتة تانية خالص!
بعد الفحص والتدقيق، اتضح إن القصة دي مجرد “فصل” جديد من خناقة قديمة بقالها سنتين بين جيران. صاحب الفيديو (اللي طلع له سوابق جنائية وشغال في الفضة) بينه وبين صاحب محل دهب وعماله في طنطا “خلافات جيرة” وقضايا كتير لسه منظورة في المحاكم.
أما الخناقة اللي في الفيديو؟ دي قديمة جداً من شهر يونيو اللي فات (2024)، والنيابة أصلاً حققت فيها وقتها وخدت مجراها القانوني الطبيعي.
المفاجأة بقى؟
إن الضابط اللي اتقال إن أهله مسنودين بيه، هو اللي كان مقدم بلاغ “تشهير” ضد صاحب الفيديو ده قبل كدة، بسبب الإساءة لسمعته على السوشيال ميديا واستغلال اسمه في خناقات جيرة ملوش علاقة بيها.
الحقيقة دايمًا ليها وشين، والهدف من الفيديو كان مجرد الضغط والتشهير مش أكتر.. القانون مبيفرقش بين حد، والتحقيقات كشفت المستور.
تفتكروا ليه البعض بيستخدم السوشيال ميديا عشان يصفّي حسابات شخصية بادعاءات غير حقيقية؟
-
-
-
-
-
-
